ம்ம்ம் ஹ்ம்ம்...

ஆமோதிப்பதும் மறுப்பதும்
அர்த்தமற்ற ஓசையும்
அனுபவித்த தலை அசைவும்
தவிர்க்க முடியாமல் தவிப்பதும்
சொல்லித்தரும் அன்றாடம்,
அமைதிக்கும் அர்த்தமுண்டு.

நீயும் செம்மறி ஆடு

பாடம் எதுவும் தேவை இல்லை.
பாடம் ஆவது நாங்கள் இல்லை.

மூளைச் சலவை தேவை இல்லை.
வெண்மைச் சாயம் எங்கும் இல்லை.

வகுப்பில் மதிப்பெண் போடுவது ஏன்.
மதிப்பை நசுக்கத் துடிப்பது ஏன்.

டீச்சர், எங்களை வாழ விடுங்களேன்.
டேய் டீச்சர், நாங்கள் வாழ விரும்புகிறோம்.

இந்த செம்மறி ஆட்டுக்கூட்டத்தில்.
நீயும் செம்மறி ஆடு தானே.

என்னைச் சுற்றி ஆடு இல்லை
நான் வளர மருந்து தொல்லை

உன் போர்வை கிழித்து வெளி வந்தால்
என் ஊக்கம் என்னை உந்திச் செல்லும்.

வகுப்பை விட்டு வெளி வந்து
நாளை என்பதை நான் வகுப்பேன்.

[Inspired by 'Brick in the Wall' by 'Roger Waters']

bangalore traffic

நகர நெரிசலில்
நகர நகர
நரகமாகும் நகரம்